Endi poytaxtda uyga yaqin hududdan ishni Toshkent shahrining internet tarmog‘idagi elektron xaritalari orqali topish mumkin!

🟢 «15 daqiqalik shahar» konsepsiyasini amalga oshirish doirasida Toshkent shahar hokimligi hamda «2GIS» kompaniyasi o‘rtasida hamkorlik memorandumi imzolandi.

🏘 Memorandumga muvofiq, internet tarmog‘idagi 2gis.uz elektron xaritasida poytaxtning barcha 585 ta mahallasi hududidagi bo‘sh ish o‘rinlari to‘g‘risidagi ma’lumotlar joylashtiriladi.

💼 Buning natijasida fuqarolar xarita orqali o‘z yashash joyiga yaqin hududlardagi bo‘sh ish o‘rinlarini topish, taklif etilayotgan ish haqi miqdori, malaka talablari bilan tanishish hamda o‘zlariga eng maqbul takliflarni tanlash imkoniyatiga ega bo‘ladilar.

▫️Loyiha qulay ish o‘rnini topish jarayonini soddalashtiradi, vaqtni tejaydi hamda ish joyiga borish uchun sarflanadigan transport xarajatlarini qisqartirish hisobiga fuqarolar daromadlarini oshirish imkonini beradi.

✔️Loyiha pilot tartibida poytaxtning Chilonzor tumanidagi barcha mahallalarda boshlandi va 2gis.uz saytida dastlabki amaldagi bo‘sh ish o‘rinlari to‘g‘risidagi ma’lumotlar allaqachon joylashtirildi.

Toshkent shahar hokimligi boshqa kompaniyalar bilan ham shu kabi loyihalarni amalga oshirish bo‘yicha hamkorlikka ochiq ekanligini bildiradi.