⚖️ KORRUPSIYAGA QARSHI KURASH: HALOLLIK — HAR BIR XODIMNING MAJBURIYATI

💲 Bugungi kunda korrupsiyaga qarshi kurashish davlat siyosatining ustuvor yo‘nalishlaridan biri hisoblanadi. Shu munosabat bilan, «Toshkent shahar elektr tarmoqlari» MCHJ     tasarrufidagi Mirzo Ulug‘bek tuman elektr ta’minoti korxonasida “Korrupsiya — kelajak kushandasi” mavzusida davra suhbati tashkil etildi.

✅ Mazkur tadbirda jamiyatning Korrupsiyaga qarshi kurashish va komplaens-nazorat bo‘limi rahbari O.O‘. Yaxshiyev hamda tuman elektr ta’minoti korxonasining mutaxassislari va ishchi-xodimlari ishtirok etdilar.

💠Davra suhbati davomida korrupsiyaning jamiyat taraqqiyotiga salbiy ta’siri, amaldagi qonunchilikda belgilangan javobgarlik choralari, shuningdek, ushbu illatning oldini olish va unga qarshi kurashishning samarali mexanizmlari atroflicha muhokama qilindi.

🔴Shuningdek, tadbir jarayonida xodimlarning korrupsiyaga qarshi kurashish borasidagi fikr-mulohazalari tinglanib, amaliy takliflari ko‘rib chiqildi.

➡️Yakunida korrupsiyaning oldini olish, ochiqlik va shaffoflikni ta’minlash hamda xodimlar o‘rtasida huquqiy ong va madaniyatni yuksaltirish maqsadida muntazam targ‘ibot-tashviqot tadbirlarini tashkil etib borish zarurligi alohida ta’kidlandi.