Ишчи гуруҳ Яккасаройда

🗣 Бугун Тошкент шаҳар ҳокимининг биринчи ўринбосари Даулетияр Худайбергенов, Тошкент шаҳар прокурори ўринбосари Ҳабибулла Мирсоатов, Яккасарой тумани ҳокими Нилуфар Аллабергенова ҳамда туман прокурори Бекзод Шамшиев Яккасарой туман ҳокимлигида ташкил этилган штаб фаолияти билан танишдилар.

🔹 Ўрганиш жараёнида маҳаллаларда аҳоли бандлигини таъминлаш, доимий даромад манбаига эга бўлмаган фуқароларни иш билан таъминлаш, тадбиркорликка жалб этиш ҳамда оилалар даромадини ошириш бўйича амалга оширилаётган ишлар муҳокама қилинди.

📊 Шунингдек, маҳаллалар кесимида олиб борилаётган хатлов ва таҳлиллар, фуқаролар билан манзилли ишлаш, мавжуд имкониятлардан самарали фойдаланиш ҳамда ҳар бир мурожаат бўйича аниқ натижага эришиш масалаларига алоҳида эътибор қаратилди.

📌 Ишчи гуруҳ томонидан белгиланган вазифалар ижросини янада кучайтириш, аҳоли бандлигини таъминлаш ва даромадини оширишга қаратилган ишларни тизимли давом эттириш бўйича масъулларга тегишли тавсия ва вазифалар белгиланди.

✍️ Яккасарой туман ҳокимлиги Матбуот хизмати