Тошкентнинг рақамли келажаги — ICT Week 2026’да

🟢22–25-сентябр кунлари CAEx мажмуасида ICT Week 2026 халқаро кўргазма ҳафталиги бўлиб ўтади.

Тадбирда Тошкент шаҳар ҳокимлиги Рақамли ривожланиш департаменти 16 та устувор рақамли лойиҳа билан иштирок этади.

🧑‍💻Улар пойтахт ҳаётининг деярли барча муҳим йўналишларини қамраб олади: таълим, қурилиш, инвестициялар, реновация, коммунал хизматлар, транспорт инфратузилмаси, туризм, маҳаллалар, автотураргоҳлар, бозорлар ва бошқа соҳалар.

✔️Асосий ғоя — шаҳар ҳақидаги маълумотларни ягона рақамли муҳитда бирлаштириш. Бу маълумотларни реал вақт режимида кузатиш ва таҳлил қилиш, муаммоларни тезроқ аниқлаш ҳамда бошқарув қарорларини аниқ маълумотлар асосида қабул қилиш имконини беради.

🖥 Лойиҳаларда сунъий интеллект, геоахборот технологиялари, автоматлаштирилган мониторинг ва таҳлилий воситалар қўлланилади.

📈ICT Week доирасида фақат концепциялар эмас, балки платформаларнинг амалий ишлаш механизмлари, функционал имкониятлари ва эришилган натижалар ҳам намойиш этилади.

📊Масалан, таълим соҳасида мактаблар фаолияти ва ўқувчилар давоматини мониторинг қилиш, реновация жараёнларини босқичма-босқич кузатиш, коммунал соҳада инфратузилма ҳолати ва тўлов интизомини таҳлил қилиш имкониятлари яратилмоқда. Қурилиш ва инвестиция лойиҳаларининг ҳолати, муддатлари ва ижроси ҳам ягона рақамли платформаларда назорат қилинади.

▫️Мақсад — Тошкентда тезкор, шаффоф ва самарали бошқарув тизимини шакллантириш, хизматлар сифатини ошириш ва жараёнларда инсон омилига боғлиқликни имкон қадар камайтириш.

🤔16 та лойиҳа — Тошкентда шаклланаётган ягона рақамли бошқарув экотизимининг бир қисми.