Ёшлар билан мулоқот — муаммоларга амалий ечим

▫️Бугун, пайшанба — «Ёшлар куни» муносабати билан Тошкент шаҳридаги «Китоб олами» мажмуасида ёшлар ва ёшлар етакчилари билан очиқ мулоқот ташкил этилди.

Унда Тошкент шаҳар ҳокими ўринбосари Дурдона Раҳимова, Тошкент шаҳар Ёшлар ишлари бошқармаси бошлиғи Шахзод Набиев, Ижтимоий ҳимоя миллий агентлигининг Тошкент шаҳар бошқармаси бошлиғи Бобур Мирзаев, шунингдек, мутасадди ташкилотлар вакиллари иштирок этди.

💬Очиқ мулоқот давомида ёшларнинг бандлигини таъминлаш, тадбиркорлик ташаббусларини қўллаб-қувватлаш, таълим кредити олиш ҳамда бошқа долзарб масалаларга оид мурожаат ва таклифлари тингланди.

🟢Ҳар бир мурожаат масъуллар иштирокида атрофлича кўриб чиқилиб, уларнинг ечими юзасидан тегишли ташкилотларга аниқ вазифалар белгилаб берилди. Айрим масалалар эса мулоқот давомида жойида ҳал этилди.

Бу каби очиқ мулоқотлар ёшларни ўйлантираётган масалаларни бевосита ўрганиш, уларнинг ташаббус ва таклифларини қўллаб-қувватлаш ҳамда мавжуд муаммоларга амалий ечим топишга хизмат қилади.