Бугун Мирзо Улуғбек туманидаги 187-сон умумтаълим мактабида ўқувчиларни касбга йўналтириш мақсадида «Очиқ эшиклар куни» тадбири ташкил этилди.

Тадбирда Тошкент шаҳридаги техникумлар иштирок этиб, ўқувчилар ва уларнинг ота-оналарига касбий таълим муассасаларида яратилган шарт-шароитлар, мавжуд йўналишлар, таълим шакллари ҳамда қабул жараёнлари ҳақида батафсил маълумот бердилар.

✨ Шунингдек, иштирокчилар техникумларда ўқишнинг афзалликлари, амалий таълим имкониятлари ва келажакда эгалланиши мумкин бўлган касблар билан яқиндан танишдилар.

Мазкур тадбир ёшларнинг касб танлашига кўмаклашиш, уларнинг қизиқиш ва салоҳиятига мос йўналишларни белгилашда муҳим аҳамият касб этди.